【娛樂新聞】《愛．回家之三代同糖》今晚首播 車婉婉吳若希李茵彤三代同堂鬥戲 兩大主景率先曝光.全新處境喜劇《愛．回家之三代同糖》將於今晚（8月10日）起，逢周一至五晚八點翡翠台正式登場。劇集以車婉婉、吳若希及李茵彤所演嘅唐家三代女性作為故事軸心，講述叛逆外婆亂入單親職場媽媽與Z世代女兒嘅生活，喺柴米油鹽之間拆解親情心結，讓愛回家。故事緊貼時事、傳遞開心之餘，亦希望帶出「人生由自己定義」嘅訊息，讓觀眾從角色嘅「反轉人生」中得到勇氣。

劇集率先公開兩大主景：唐家及跨世代公關公司辦公室。唐家係以木系為主嘅溫馨小窩，設有開放式廚房，係外婆嘉冰嘅「主場」；屋內亦有不少萬里同唐芯由細到大嘅AI合成合照。另一個主景係跨世代公關公司辦公室，萬里身為公司高層有自己的辦公室，與空降到公司嘅楊帆（趙浚承飾）平起平坐，而何依婷飾演嘅朱圓圓為萬里下屬，與其他同事在大廳工作。老闆高冠一（容天佑飾）周不時會到公司巡視業務，茶水間就係最啱講是非嘅地方。此外，唐芯經營嘅民宿「開心小棧」亦有不少戲份。劇集海報集齊所有主演角色，色彩繽紛，溫馨滿載。TVB