【On.cc】炎明熹自認身材好　應該再發育唔到

「樂壇小天后」炎明熹（Gigi）今日（4日）破格身穿低胸露腰裝谷胸出席《叱咤樂壇流行榜》記者會，成為全場焦點，她受訪時被問到她全場最性感，反問是否喜歡她這身造型，而她從兩套服飾選了這一套，自己喜歡但成為焦點時又怕醜謂：「大家未講出來嚟時，我仲可以自信點啲行出來嚟。」

之前Gigi在社交網分享性感相，她表示想嘗試更多新造型和風格，可給大家煥然一新感覺。問她是否滿意自己的身材，會否想再發育？Gigi笑說：「我身材已經好好，依家應再發育唔到，不過之前跟同事都講想長高啲，仲想腳細少少，感恩媽媽。」

問到對叱咤女歌手三甲的信心？Gigi表示順其自然，獎項對於她來說是一種鼓勵：「我攞唔到獎唔緊要，人哋攞拿到就戥人開心，我冇咩目標，之前話我買樓，都要澄清番我係隨便講吓！」不過講到外界期望她拿女歌手金獎時，她表示盡力做盡力嘗試，得獎會開心及視作鼓勵，但不會為追逐一樣東西而分散了其他事。談到「聲夢」導師JW公布婚訊，Gigi表現愕然稱不知道，今日在後台也只講了句「Hello」，也沒收到她告知喜訊，但照樣要恭喜她。

另外，同場的風頭躉陳康堤未有受前男友「網球一哥」黃澤林而影響心情，而大會亦相信「識做」，安排康堤及被指是黃澤林「代言人」的組合JFYT成員分開不同時間及組別上台，就算影近200人的全體大合照時，康堤和JFYT亦是相隔老遠，避過尷尬場面，記者會完畢後，康堤及JFYT亦未有接受訪問，火速離場。

炎明熹性感現身。

佢話自己身材已好好！

應該冇得再發育。

但係最再高啲！

舉晒V！

谷晒胸。

康堤成為焦點人物。

炎明熹