【娛樂新聞】徐淑敏沈卓盈姊妹合體現身愛馬仕活動 帶私伙珍藏名牌袋閃爆全場.2006年港姐徐淑敏（現名徐菁遙）、好姊妹沈卓盈及華姐冠軍宋熙年，日前結伴出席愛馬仕舉辦嘅藝術工作坊活動。三人現場親手製作立體藝術作品兼不停影相打卡，狀態大勇保養得宜，歲月幾乎無喺佢哋身上留低痕跡。當日三位女士各自自備品牌私人靚包亮相，行頭亮眼，盡顯闊太氣質。 

三位闊太當日穿搭同配飾成為全城焦點。徐淑敏身穿絲巾吊帶背心配白褲，拎住經典華貴嘅愛馬仕Birkin手袋，氣場十足；沈卓盈以白色吊帶背心配米色裙，搭配優雅百搭嘅Constance手袋，與溫柔造型完美契合；身為KOL宋熙年則著簡約白色外套，揀選設計獨特實用Picotin Lock Cargo手袋，突顯個性品味。

三位女士淡出幕前後家庭生活相當幸福，堪稱娛樂圈人生贏家。徐淑敏早於2009年與餐飲商人黃浩閃婚，育有三名女兒，一家五口居於大埔比華利山四千呎豪華獨立屋；沈卓盈2019年嫁給經營內衣家族生意嘅富裕男友Calvin，2021年誕下兒子Jayden後大幅減少工作專心湊仔；宋熙年與丈夫陳智燊育有兩子，近年夫妻檔轉型做KOL。