【On.cc】陳曉華晒肩搶Fo　自認I人本質同朱敏瀚有偈傾藝人與游嘉欣今晚（19日）在太子欣賞演出的無綫劇集《非常檢控觀》首播，Hera以斜膞裝示人相當省鏡，她提議嘉欣脫去牛仔褸影相，但嘉欣則害羞拒絕。嘉欣講到劇中要對吳偉豪主動飛擒大咬，相當猴擒，她說：「人生最主動係呢個Moment，𤠣擒到爬上床，又要追佢。（冇乜追男仔經驗？）現實中我真係比較被動，比較鍾意人哋過嚟同我傾偈。（你係A0？）A唔A0本身唔係好Care，我覺得人生係需要多啲感情經歷，先可以豐富我演員嘅生涯。（有感情經歷未？）一路都有接觸唔同嘅人，有唔同類型經歷。」她又指要飾演猴擒角色靠讀書時看愛情小說吸收的經驗。Hera則透露小時候也有戀愛夢，讀書時愛煲偶劇劇《流星花園》、《惡作劇之吻》等取經，但否認是為了追男仔，只是為了滿足幻想，因小時候是超級內向，少有與人交流：「細個有啲社恐，係超級I人，冇乜朋友，大個咗先想識多啲朋友。」她又指自己是超級被動的人，喜歡躺平，要靠朋友主動。講到朱敏瀚也看似是I人會否難溝通，Hera則說：「兩個I反而容易溝通，我同游嘉欣都係I人都溝通到。我係鍾意同I人傾偈，E人能量太強，我講唔到嘢。」Hera又透露劇中角色相當慘情，有精神病，更被PUA情緒勒索多年，遭何廣沛洗腦覺得自己是壞人。角色對她有相當大體驗，Hera笑言：「拍完劇會分析有冇畀人PUA情感勒索，自己係好容易被PUA，真情係被PUA高手，細個已經係同情心氾濫，做咩都為人着想先，拍完呢套劇會慢慢變得理智啲。」陳曉華晒肩搶Fo。陳曉華同朱敏瀚有偈傾。陳曉華同游嘉欣現身。游嘉欣覺得人生係需要多啲感情經歷。陈晓华朱敏瀚