《非常檢控觀》丨賴慰玲主動加戲「撩」小鮮肉 馬德鐘與陳煒法庭舌戰**無綫新劇《非常檢控觀》今日（18 日）進行第二次宣傳活動，視帝馬德鐘攜同賴慰玲、游嘉欣、陳庭欣等演員齊齊現身。活動現場重演劇中經典場面，賴慰玲以短褲造型還原「彎腰執文件」名場面，大晒修長美腿；更自爆與劇中「小鮮肉」張馳豪（Aska）的姐弟戀線，坦言主動加碼親密戲，玩得相當投入。活動上，眾女演員圍繞賴慰玲重演「執文件」高光鏡頭，身穿短褲的她彎腰瞬間亮出長腿，引發現場掌聲不斷。受訪時賴慰玲笑言這一幕頗為意外：「以前做一孩之母時，對呢類鏡頭仲有自信，而家成為二孩之母，有啲部位仲未收身，需要刻意遮遮掩掩，加上仲喺餵人奶，身形會稍脹，今次重演都有啲緊張。」談及劇中感情線，賴慰玲透露初時誤以為會與馬德鐘有感情發展，結果驚喜收穫「小鮮肉」搭檔：「一開始以為同馬德鐘有感情線，點知導演話唔係，馬德鐘嘅對手係陳煒，我仲問『咁我條感情線喺邊』，原來有 Aska 呢個小鮮肉畀我！」她更自爆主動為角色加戲：「我會提議呢個位 Aska 可以攬吓我，佢都真係照做，我玩得好開心，但佢太怕醜，攬得好僵硬，最後條片冇用到，有啲可惜。」另一主角馬德鐘則分享與陳煒的合作細節，坦言二人並無親密戲，年輕版角色已代勞相關情節，反而有大量精彩的法庭對手戲：「我今次個角色比較柔和，要收起平時嘅兇狠眼神，劇中有好多長對白同複雜情緒，演起上嚟好有挑戰性，都幾好玩。」TVB